MISSTA Silver Jubilee hmanpui; rawngbawlna in zirna ti buai lo se- Education Minister

by Editor

Tualchhung News

ZORAM TODAY| 1st October, 2025 : School Education Minister Dr. Vanlalthlana chuan vawiin khan Synod Conference Hall, Aizawlah Mizoram Secondary School Teachers’ Association (MISSTA) Silver Jubilee lawmna leh General Conference, 2025 neih a hmanpui.

Zirtirtu kalkhawmte chu “Kohhran leh khawtlang rawngbawlna ngaih pawimawh vanga sikul kal tlai, ban hun hma a haw leh class lak thulh hi awm tawh lo se, rawngbawlna lama kan tui a nih chuan full-time in inhmang tlang law law zawk mai rawh u” tiin Minister hian a chah.

Minister chuan rawngbawlna in zirna tibuai lo se a duh thu sawiin, Headmaster te pawh discipline tha taka keng kawh turin a chah nghal bawk.

Minister chuan MISSTA Silver Jubilee Monument hawngin Silver Jubilee Magazine a tlangzarh nghal bawk a. MISSTA member te duhsakna hlanin thawhhona tha tak nei zel turin a chah a, Sikul tihchangtlunna tura sawrkarin hma a lak mek leh hma a lak tawh dante a sawilang bawk a.

Zirtirtu indaihlona leh non-teching staff indaihlohna ti ziaawm turin theihtawp an chhuah mek thu a sawi bawk a ni.

He hunah hian MISSTA member pensioner te thlahna hun leh State Awardee te chawimawina hun hman niin, hruaitu hluite chawimawina hun hman a ni bawk. Chawhnu lamah an member boralte sunna hun leh rorelna hunh man a ni.

(Zoram Today facebook page, X leh Instagram min lo follow ve ta che)